24.8 C
Скопје
14:11 - 13 август, 2022

(ФОТО) ЦВЕТЕН ПОЗДРАВ ОД СЕЛО РОГАЧЕВО: Калина на своите убавици им посветува и по четири часа во денот!

Денес сме во преубавиот двор на госпоѓа Калина Димитриеска, која веќе осум години е невработена. Оваа убавина се наоѓа во село Рогачево, во општина Јегуновце, во областа Долни Полог, во околината на Тетово. Дворот распослан на десетина квадрати го красат повеќе од 50 раскошни саксии. 

Нашата цвета дама – Калина, фотографија – приватна архива

Со одгледување на цвеќиња и растенија Калина се занимава долго време, а љубовта кон градинарството ја наследила од мајка ѝ, 78-годишната Даница Јанческа.

– За уредувањето на дворот сме одговорни јас и мојот сопруг, ама повеќе јас сум околу моите убавици, со насмевка ни одговара оваа цветна дама.
Инаку, за волја на вистината,  во дворот доминираат цвеќињата кавалер и дама кои ѝ се фаворити на Калина бидејќи токму таа сорта цвеќиња ѝ биле првите цвеќиња, и тоа подарени од нејзиниот денес покоен татко.
Се разбира, за сè да биде толку прекрасно, потребно е многу вложена љубов и време.
Калина во текот на денот на своите убавици им посветува дури по три или четири часа. А во текот на студените денови, убавиците си имаат свој посебен простор наменет само за нив.
Ја замоливме нашата соговорничка да ни даде еден градинарски совет за нашите читатели кои можеби би сакале да почнат да се занимаваат со одгледување на цвеќе.

– Мојот совет за идните градинари е краток и јасен: ако не сакате цвеќе воопшто немојте да се трудите и да почнувате, зашто цвеќињата сакаат многу љубов како и сите ние! А, доколку навистина сте подготвени да вложите љубов во цвеќињата, а сте почетници во градинарството, ви препорачувам да почнете со цвеќе што не мрзне за да не се обесхрабрите или откажете уште од почеток, искрена е Калина. 

Инаку, Калина Димитриеска е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!

Слични објави

Цеца го откажа концертот во Црна Гора: „Единаесет човечки животи неповратно згаснаа за неколку минути“

Еспресо

Лоша здравствена состојба на Салман Ружди: „најверојатно ќе го изгуби окото, нервите на раката му се отсечени, а црниот дроб е погоден и оштетен“

Еспресо

Попоски предупредува на голема претпазливост – ИЗРАЗЕНО НЕВРЕМЕ, еве кога (и во Скопје)

Еспресо

Лекарите открија зошто умираат вакцинираните лица кои се инфицираат со коронавирус

Еспресо

Случај Салман Ружди: Полиција пред домот на уапсениот во Њу Џерси; соседите вознемирени: „Во шок сме!“

Еспресо

Која беше Ен Хеч: „Слушам гласови и зборувам со бог“; од травматичното детство до објавување на нејзината бисексуалност

Еспресо
Се вчитува....