Помисливте ли дека овие чудесни еснески дела ги создала некоја самовила, пафкајќи со своето волшебно стапче и наросувајќи „син прав“? И ние го помисливме истото.
Од Сузана дознаваме како да си направиме совршен мармалад од шипки.
БЕРОВСКА БАБИНА ТОРТА
– Секое годишно време носи своја убавина и посебна инспирација за декорирање храна. Но есента како да ги има најубавите бои. Познатата беровска бабина торта ќе ви донесе експлозија од вкусови! Јас ја послужувам, како што е редот, со домашен џем од диви јагоди, а листовите за декорирање се од бело чоколадо обоени со прехранбени бои – објаснува Сузана и додава:
– Бабината торта е старински рецепт кој најчесто е традиционален во беровскиот крај. Рецептот љубоморно го чуваат и го пренесуваат од колено на колено…по долга потрага за овој рецепт, благодарение на групата Здрава храна Мк верзија и Сани го добив овој рецепт по кој ја направив мојата бабина торта.
За корите потребно е: 2 јајца, 2 лажици масло или свинска маст, 2 лажици шеќер, 2 малечки филџани млеко, прстофат сол, 1 лажиче сода бикарбона, брашно по потреба.
Се замесува средно меко тесто и се дели на 12 топчиња (јас на 10 топчиња го поделив). Секое топче се расукува во кора во круг, како за тавче бр 24, и секоја кора се потпекува на превртен плех во загреана рерна на 200 степени десетина минути. Да се внимава да не се препечат корите.
Фил – Се варат во тенџере 800 мл млеко со 800 гр шеќер, кога ќе зоврие се додава 1 лажица какао, 250 гр путер и 500 гр мелени ореви. Се редат кора, па фил, во поширок калап бидејќи филот е потечен. Се остава да стои неколку дена за да омекнат корите од филот.
Се служи со домашно слатко од диви јагоди…
На здравје!
