Секој петти пациент во Германија бил хоспитализиран поради Ковид-19 подлегнал на болеста, а стапката на смртност е искачена на 53 проценти за оние кои завршиле на респиратор, покажува нова студија.
Податоците за вкупно 10.000 пациенти кои престојувале во 930 германски болници помеѓу 26 февруари и 19 април биле анализирани од интердисциплинарно здружение за интензивна нега и итна медицина, Техничкиот универзитет во Берлин и огранокот на здравствената осигурителна групација АОК, WIdО.
Податоците покажуваат дека машките пациенти имаат поголема смртност од жените, со 25 наспроти 19 проценти. Постарите пациенти се значително поранливи на вирусот, па 27% од пациентите во 70-тите години починале, а не успеале да закрепнат ниту 38% од оние над 80 години.
The post Студија: Секој петти пациент хоспитализиран заради коронавирусот во Германија починал од последиците на болеста appeared first on Слободен печат.
Студија: Секој петти пациент хоспитализиран заради коронавирусот во Германија починал од последиците на болеста was first posted on јули 29, 2020 at 6:39 pm.
