На денешната заедничка пресконференција на министерот за здравство Венко Филипче и министерот за образование и наука, Арбер Адеми, беше соопштено дека МОН ги прифатил препораките на Комисијата за заразни болести за тоа на кој начин да продолжи образовниот процес од септември.
– Во однос на училиштата и покрај тоа што крајна цел е децата да се вратат во училиште, се додека ние и целиот свет сме соочени со вирусот, тие мора да следат настава, но мора да бидеме свесни и образовниот процес да биде безбеден за децата. Образовниот процес е од неспорно значење, но не смееме да го занемариме и здравствениот аспект – истакна Филипче.
И токму поради тоа, рече Филипче, нашата препорака е училиштата да започнат со онлајн работа со два исклучоци. Едниот исклучок е за децата од прво до трето одделение кои би посетувале настава со физичко присуство, но со барање на родителот и овие ученици ќе можат наставата да ја следат и онлајн.
– Одлучивме родителите на овие ученици да можат да одлучуваат дали детето да следи онлајн или физичка настава, како резултат на тоа што тие можеби имаат родители со хронични болести или ги чуваат баби и дедовци кои се ризична категорија, па семејството е во поголем ризик. Вториот исклучок е во училиштата каде има мал број на ученици и тие ќе можат да следат настава со физичко присуство. Ова секако по барање на училиштата кои оваа одлука ќе ја донесат во согласност со родителите – соопшти Филипче.
Истото го потврди и министерот Адеми, кој го повтори ставот на Филипче, додавајќи дека се подготвени и протоколи, по што учениците кои ќе посетуваат настава во училиште ќе треба да носат маски, а во однос на одморите помеѓу часовите треба да има 10 минути растојание за да не дојде до групирање на учениците.
Филипче: Со новиот протокол се ослободуваат од изолација позитивните лица без контролни тестови
The post Школската година ќе започне онлајн, родителите на децата до трето одделение ќе имаат избор appeared first on Слободен печат.
Школската година ќе започне онлајн, родителите на децата до трето одделение ќе имаат избор was first posted on август 18, 2020 at 3:20 pm.
