Во април, уште пред било која вакцина против коронавирус да помине какви било тестови, градоначалникот на прекрасниот островски град во северозападниот дел на Пацификот го покани својот пријател, микробиолог, да го вакцинира. Ова се случуваше јавно – на Фејсбук, пред очите на голем број преплашени граѓани.
„Треба ли да дојдам и да те вакцинирам?“, напиша Џони Стин, кој раководи со North Coast Biologics, компанија во Сиетл, која се фокусира на антитела. Стин дури го уверува градоначалникот дека не е заразен: „Не грижи се, веќе сум имунизиран, вакциниран сум неколку пати“.
„Звучи добро“, одговара Фархад Гатан.
Меѓутоа, кога загрижените граѓани се приклучуваат на разговорот, тој почнува да го брани својот пријател со 25-годишно искуство. Тогаш тој почнува непристојно да ги навредува потрошувачите.
Градоначалникот не е единствениот кој има корист од домашната вакцина на Џони Стин. Некои луѓе плаќаат по 400 американски долари за да се осигурат дека нема да се заразат од коронавирус.
Но, ова не е изолиран случај. Излегува дека многу научници ширум светот, водени од желбата да измислат вакцина за која се покажа дека е ефикасна и безбедна, се вакцинираат себеси, своите семејства и своите пријатели со свои „домашно изработени“ вакцини. Секој таков научник е мотивиран од истата работа – исклучителни времиња бараат исклучителни мерки. Според нивната логика, ако тие имаат доволно вештини и искуство сами да создадат вакцина, тогаш тие се должни да го сторат тоа.
Според луѓето што ги поддржуваат, сè додека процесот е транспарентен и остатокот од научната заедница учи од нивното искуство, нема ништо лошо во нивните намери. Но, противниците на овој метод се категорични дека, без оглед колку се добронамерни овие научници, од нив нема да се научи ништо, бидејќи вакцините воопшто не биле тестирани. Покрај тоа, тие можат да предизвикаат голема штета и да создадат лажно чувство на безбедност.
„Само земете и нема проблем. Но, кога ги охрабрувате другите луѓе да земаат лекарста, повторно се враќате во деновите на патентирана медицина и шарлатанство”, изјави за Њујорк Тајмс Џефри Кан, директор на Институтот за биоетика на Џон Хопкинс Берман.
Гледајќи како умираат луѓе за време на пандемијата, Престон Естеп, научник од Бостон, одлучи да ги земе работите во свои раце. Тој испратил електронска пошта до своите познаници, лекари, хемичари и биолози, прашувајќи дали се интересираат за создавање вакцина. Наскоро измислиле формула за пептидна вакцина која може да се аплицира преку назален шприц.
„Многу е едноставно. Се состои од пет состојки што можете да ги измешате заедно во канцеларијата на докторот”, вели Естеп.
Клучна состојка се малите парчиња вирусни протеини или пептиди кои научниците ги нарачуваат преку интернет. Ако сè се одвива според планот, пептидите ќе го обучат имунолошкиот систем да се брани од коронавирусот, дури и без вистински вирус. Естеп ја зема вакцината сам. Потоа му ја дал на својот 23-годишен син. Неговите асистенти исто така ја споделиле со своите семејства.
Речиси 30 лица од САД, Шведска, Германија, Кина и Велика Британија минатата недела земале лекови.
Во историјата има многу научници кои тестираат вакцини на себе. Но, според експертите, ваквите случаи нагло опаднаа во последните неколку години. Барем до појавата на ковид-19. Така, тим од 7 научници во Казахстан се првите луѓе кои ја тестирале својата вакцина. Постојат слични практики во Русија и Кина. Но, проблемот со научниците како Естеп и Стин не е во тоа што тие самите ја зеле вакцината, туку во тоа што им ја продаваат на исплашени луѓе без да бидат сигурни дека нема да има несакани ефекти.
Подготвил: А.А.
The post Научници се имунизираат себеси и своите семејства со „домашно изработени“ вакцини против ковид-19 appeared first on Слободен печат.
Научници се имунизираат себеси и своите семејства со „домашно изработени“ вакцини против ковид-19 was first posted on септември 17, 2020 at 12:35 pm.
