Својата кариера ја градела многу одама, така што многумина од вас кои читате не сте биле ни родени. Има 88 години, а и понатаму активно се занимава со манекенство и гази на модните писти. Оваа Американка со унгарско-италијански корени, во светот на модата запловила на 14 години, а на 16. била на насловна на „Вог“.
– Излегов од автобус и на насловна на „Вог“ во една трафика се видов со детска фризура, -изјавила таа.
Во младоста била висока 180 см и сметала дека е грда бидејќи била многу слаба за тоа време.
-Воопшто не ме интересираа машки, кратко одговорила Кармен.
Но, сепак успеала да заведе бројни господа, па позади себе има три пропаднати брака и една ќерка Лаура Мајлс. Оваа баба признава дека и покрај тоа што постојано била ангажирана како манекенка се случувало да остане без денар во џебот, па дури да нема ни за храна. Двапати банкротирала поради тоа што вложувала на берза и двапати „се кренала од пепелта“.
Таа одамна кренала раце од фарбање, а тврди дека не ни помислува на трендот на пластична хирургија.
– Не знам дали сум смешна или глупава што излегувам на писта, ама знам дека тоа го правам добро, уживам и сакам да го правам, – изјавила Кармен со надеж дека ќе умре на писта со потпетици.
The post Најстарата манекенка и во 9-та деценија остава без здив appeared first on Слободен печат.
