Врховниот командант на Иранската револуционерна гарда, генералот-мајор Хосеин Салами, изрази сочувство поради нападот на украинскиот Боинг 737 во средата, во кој загинаа сите 176 патници со членови на екипажот.
– Никогаш немам почувствувано толкав срам во животот. Се колнам во животот и во моите деца повеќе посакувам да бев во тој авион и да изгорев заедно со сите жртви, отколку од страна да го следам овој трагичен инцидент – изјави Салами и истакнал дека таа војна формација не сака ништо друго освен да го брани Иран.
Помеѓу патниците загинати во несреќата во Иран имало 82 државјани на Иран, 63 Канаѓани, како и државјани на Украина, Шведска, Авганистан, Германија и Велика Британија.
Загинаа 11 Украинци, меѓу кои и девет членови на екипажот, 10 државјани на Шведска, четворица патници од Авганистан, тројца од Германија и тројца од Британија.
Иранската војска во саботата и официјално призна дека го соборила украинскиот авион по грешка, стои во соопштението објавено на иранската државна телевизија.
The post Исповед на ирански генерал по падот на украинскиот Боинг: Се колнам во децата, посакувам да изгорев во авионот appeared first on Слободен печат.
