Грција ја вади кредитната картичка и оди на големо воено трошење, бидејќи се соочува со растечки тензии со Турција, пишува реномираното европска списание „Политико“.
Според авторот на текстот Борбени авиони, фрегати, торпеда и хеликоптери се наоѓаат на списокот за купувања на премиерот Кирјакос Мицотакис.
Франција, која и даде политичка и воена поддршка на Атина во конфронтацијата со Анкара, ќе биде голем корисник во набавките. Договорот меѓу двете земји беше на дневен ред кога Мицотакис се сретна со францускиот претседател Емануел Макрон во Корзика пред самитот на медитеранските лидери во четвртокот.
Но, други клучни сојузници, исто така, веројатно ќе имаат корист од плановите што се очекува да ги зголемат воените трошоци за околу 10 милијарди евра во следните 10 години, според грчките власти. Тоа би значело зголемување од околу една третина на сегашните нивоа.
Атина и Париз се во завршна фаза на преговори за договор што се очекува да доведе до купување на околу 18 борбени авиони „Рафале“. Се очекува пакетот да вклучува и набавка на ракети и одржување на грчките авиони ловци Мираж.
Но Грција разговара и со други земји за набавка на воена опрема, како што се САД, Германија, Велика Британија, Шпанија и Холандија.
Околу 1,5 милијарди евра ќе бидат потрошени на оружје и опрема во наредните месеци.
Мицотакис ќе ја претстави програмата за набавки во сабота за време на годишниот говор на премиерот за економска политика во Солун.
Десетици флотили на грчката и турската морнарица се наредени во областа едни против други и дипломатите стравуваат дека случајна или намерна ескалација може да предизвика целосен конфликт. Грчка фрегата се судри со турски брод минатиот месец.
The post Грција тргнува во шопинг со оружје со 10 милијарди евра. appeared first on Слободен печат.
Грција тргнува во шопинг со оружје со 10 милијарди евра. was first posted on септември 12, 2020 at 3:16 pm.