Британскиот премиер Борис Џонсон изјави дека веста дека британското регулаторно тело ја одобрило употреба на вакцината на Фајзер и Бионтек е „фантастична” и оцени дека вакцинацијата ќе придонесе за рестартирање на британската економија.
– Вакцинацијата ќе ни овозможи да се вратиме во нормалниот живот и повторно да ја придвижиме нашата економија, рече Џонсон.
Првиот човек на медицинска професија во Велика Британија, Крис Вити најави дека до пролет следната година би требало да заврши вакцинацијата на здравствено најзагрозените Британци.
Британскиот министер за здравство Мет Хенкок претходно за Сакј Њуз изјави дека Велика Британија следната недела ќе почне да ги вакцинира граѓаните против Ковид-19 со вакцината на компаниите „Фајзер” и „Бионтек”.
Велика Британија прва во светот ја одобри употребата на вакцината против коронавирусот на компаниите „Фајзер” и „Бионтек”.
– Владата денеска ја прифати препораката на Агенцијата за лекови и здравствени производи и одобри употреба на вакцината на Вајзер и Бионтек, објави британската Влада.
