Австралиската комисија за заштита на информациите (OAIC) ја обвини социјалната мрежа Фејсбук за мешање во личниот живот на граѓаните на оваа земја и за нарушување на националното законодавство во однос на доверливоста на информациите и заштитата на личните податоци, се наведува во денеска објавената информација на регулаторот, пренесуваат австексите агенции.
„Лични информации на австралиски корисници на Фејсбук беа откриени и префрлени кон прилогот „This is Your Digital Life” со цел различна од онаа посочена при обезбедувањето на податоците, што го нарушува националното законодавство за доверливост на информациите и заштитата на личните податоци. Корисниците не можеле да направат разумен избор и да го контролираат начинот на кој ќе се открие нивната лична информација. Овие дејствија се направени врз личните податоци на 311.127 австралиски корисници на Фејсбук достапни за продажба и употреба, вклучувајќи ги и политичките реклами” , се наведува во сооппштението на регулаторот, предадено и во Федералниот суд на Австралија.
Во документот се забележува дека меѓу март 2014 година и мај 2015 година Фејсбук открил лични информации на австралиски корисници и не преземал разумни чекори за заштита на овие податоци.
Според шефот на комисијата, Анџелина Фолк, компанијата Фејсбук свесно дозволила системски нарушувања на националното законодавство, што може да доведе до значителни санкции.
Австралиските медиуми веќе навестуваат дека Федералниот суд на Австралија може да го казни Фејсбук со 1,7 милиона австралиски долари (1,1 милиона американски долари) за секој оделен случај на нарушување на законот за доверливост на информациите и за заштитата на личните податоци
The post Австралија го обвини Фејсбук за откривање на личните податоци на над 300.000 корисници appeared first on Слободен печат.
