Во Берлин се собраа клучните светски фактори во долгогодишната граѓанска војна во Либија, во обид да се запре конфликтот и мешањето на странските воени сили, да се зацврсти примирјето и да се помогне во покренувањето на политичкиот процес за иднината на Либија.
Во емисијата „Утрински брифинг“ на „Слободен печат“, новинарот Дејан Андоновиќ ја анализира целата ситуација околу оваа северноафриканска земја, но и тоа што е договорено на Самитот во Берлин.
Во посредство на германската канцаларка Ангела Меркел, лидерите на 12 држави Обедиентите нации, Арапската лига, ЕУ и Арапската унија, светските лидери постигнаа договор за финалниот документ од конференцијата во Либија. Тие се договорија да го почитуваат ембаргото за оружје, да не им се дава повеќе воена помош на завојуваните страни и ги повикаа да обезбедат целосен прекин на огнот.
Учесници на самитот беа претседателите на Франција, Русија и Турција, Емануел Макрон, Владимир Путин и Реџеп Таип Ердоган, премиерите на Велика Британија и на Италија, Борис Џонсон и Џузепе Конте и американскиот државен секретар Мајк Помпео.
Меркел рече дека учесниците на самитот се согласиле повеќе да не ги поддржуваат завојуваните страни пред состанокот на комитетот, но додаде дека не е преземена експлицитна заложба за повлекување на постојната воена поддршка.
И Генералот Калифа Хафтар и премирот на Владата на националното единство, Фајез Сараџ, учествуваа во разговорите во Берлин, но „ лидерите на земјите учеснички на самитот со нив морале да разгоараат одделно бидејќи разликите меѓу нив се толку големи што во моментот не разговараат еден со друг”.
Претходно и Хафтар и Сараџ во контактите со германската канцеларка Ангела Меркел во неделата изразиле подготвеност за решавање на проблемот на нафтената индустрија во земјата, но сложеното прашање и натаму останува на преговарачката маса и ќе биде разгледувано и следните денови и седмици.
Во прерсет на самитот во Берлин, а во обид да се постигне што подобра преговарачка позиција, силите лојални на генералот Хафтар во саботата ги блокираа главните нафтени терминали на истокот од Либија. Запирањето на извозот на нафтата, што за Либија претставува речиси единствениот извор на приходи претставуваше протест против одлуката на Турција да интервенира на страна на владата во Триполи.
Според нив, приходите од нафтата кои се проценуваат на околу 55 милиони долари дневно, а ги дистрибуира „GNA“, се користат за плаќање на борци кои доаѓаат во Либија од странство, особоено од Турција кога ги ангажира и своите сојузнички бунтовнички групации од Сирија.
По соборувањето и ликвидацијата на поранешниот либиски автократски водач Моамер ел-Гадафи во 2011 година, Либија престана да функционира како единствена држава и сега во земјата има двовластие. На истокот власта е во парламент за кој гласаше тамошното население со седиште во Тобрук, а на западот во главниот град Триполи владее Владата на националното единство „GNA“, формирана со поддршка на меѓународната заедница, која ја води Фајез Сараџ. Властите во источните делови дејствуваат независно од Триполи и соработуваат со „LNA“, предводена од маршалот Калифа Хафтар кој по соборувањето на Гадафи се врати од егзилот во САД и чии сили од април годинава се обидуваат да го заземат Триполи.
The post Андоновиќ: Самитот во Берлин e обид да се отстрани „ризикот од вистинска регионална ескалација” во Либија appeared first on Слободен печат.
