Српската пејачка Светлана Цеца Ражнатовиќ беше меѓу бројните посетители на концертот на светската поп-ѕвезда Рики Мартин, кој се одржа во Белград.
За оваа пригода Цеца избра лежерна, но елегантна комбинација – бел сако и бели панталони во комбинација со едноставна маица, кафена „Ерме Кели“ чанта и удобни патики, совршени за танцување на латино ритми.
Со очила за сонце позираше пред фоторепортерите, а потоа се упати кон концертниот простор каде што атмосферата веќе беше вжештена.
View this post on Instagram
Дека одлично се забавува, Цеца покажа и на социјалните мрежи. Таа на Инстаграм објави видео од настапот на порториканската ѕвезда, додека енергично изведуваше еден од своите најголеми хитови, и го означи Рики Мартин во објавата.
„Ун, дос, трес… и атмосферата е на максимум“, напиша Цеца, додавајќи емотикони од црвено срце, оган и аплауз.
Концертот на Рики Мартин привлече голем број познати личности од регионот, а публиката уживаше во неговите безвременски хитови и препознатливата сценска енергија.
