„До крајот на денов, како и утре претпладне се уште времето ќе биде претежно стабилно и суво, додека утре попладне и кон крајот на денот ќе има услови за локален краткотраен дожд. Локален дожд ќе има и во текот на ноќта кон недела. Температурите ќе се искачуваат во интервалот од 23 до 30 степени“, вели метео прогнозерот Славчо Попоски и додава:
„Под влијание на влажна и нестабилна воздушна маса, во недела времето ќе биде променливо облачно со повремен локален пороен дожд. Локално ќе биде и нестабилно и врнежите ќе бидат проследени со појава на грмежи како и со засилување на ветерот. Температурите ќе бидат нешто пониски и максималните ќе се искачуваат во интервалот од 19 до 27 степени“.
Според Попоски, во недела исто така ќе има услови и за ретка појава на град, а локално ќе наврне и ПОЗНАЧИТЕЛНО количество на воден талог.
Услови за повремен локален дожд проследен со ретки грмежи ќе има и во почетокот од следната недела.
„И во скопскиот регион денес и утре ќе биде претежно стабилно и суво, додека во недела ќе има услови за повремен дожд, проследен со локална појава на грмежи како и со засилување на ветерот, додека потоа ќе биде постабилно и релативно суво, иако локално ќе има услови за сосема краткотраен локален дожд. Температурите овие денови во Скопје ќе се искачуваат во интервалот од 22 до 28 степени“, вели Попоски.
