Викторија Сваровски е австриска пејачка, телевизиска водителка и наследничка на славната империја на кристали Сваровски, а оваа година е една од водителките на Евровизија. Родена е во 1993 година во Инсбрук како припадничка на петтата генерација на семејството Сваровски, но уште од млада возраст се обидувала да изгради сопствена кариера надвор од семејното презиме. Со музика почнала да се занимава уште како тинејџерка, а подоцна станала голема ТВ-ѕвезда во Германија благодарение на шоуа како „Let’s Dance“ и „Das Supertalent“.
Освен по луксузниот живот и богатото наследство, Викторија често е во центарот на вниманието и поради приватниот живот. По разводот од инвеститорот Вернер Мурз, денес е во врска со Марк Матешиц, наследникот на империјата Red Bull и еден од најбогатите Европејци. Покрај телевизиската кариера, таа покрена и сопствен бренд за убавина, како и модна линија на традиционални фустани.
Таа е ќерка на Александра, поранешна новинарка, и Пол Сваровски, кој долго време работел во семејната компанија.
Иако растела во близина на седиштето на компанијата во Ватенс, нејзиното детство, како што самата тврди, било изненадувачки приземно. Родителите кај неа и нејзината помлада сестра Паулина, која денес е модел, всадиле свест за важноста на работата и независноста.
Клучниот момент што ја инспирирал да тргне по свој пат била одлуката на нејзиниот татко по 25 години да ја напушти семејната работа и да започне нешто свое. Гледајќи го неговиот пример, таа решила дека не сака да чека четврт век за да ги оствари сопствените соништа.
Нејзината страст кон музиката се родила рано. Уште на 12 години испраќала демо-снимки, а на 15 станала најмладата изведувачка што потпишала договор со Sony Music во Германија. На почетокот настапувала под уметничкото име „Victoria S.“ за публиката да ја оценува според талентот, а не според потеклото.
Вистинскиот пробив на германското говорно подрачје го доживеала во 2016 година. Најпрво како натпреварувачка победила во популарното танцово шоу „Let’s Dance“, германската верзија на „Танц со ѕвездите“.
Приватниот живот на Викторија Сваровски исто така често бил под лупа на јавноста, најмногу поради нејзината бајковита венчавка во јуни 2017 година со инвеститорот во недвижности Вернер Мирц.
Тридневната церемонија во Италија привлече светско медиумско внимание, а невестата носеше венчаница од дизајнерот Michael Cinco вредна речиси еден милион долари.
Фустанот бил украсен со 500.000 Сваровски кристали, тежел 46 килограми и имал вел долг осум метри.
По шест години брак, парот се разведе во 2023 година, наведувајќи различни животни приоритети како причина.
Набргу потоа, Викторија ја потврди врската со Марк Матешиц, наследникот на империјата Red Bull.
