Сезоната на зимници е во тек. А на наше задоволство и чест, страничките на еспресо.мк ги разубавува и популарниот шеф Бранко Попоски, познат под псевдонимот „Готвиме со Бранко“ („Cooking with Branko“). Овој врвен готвач, гастроном и љубител на кулинарството денес ни предлага рецепт за печени пиперки со лук.
Состојки:
5 килограми пиперки
100 милилитри вински оцет
3 главици лук (ситно сецкан)
120 милилитри масло за јадење
сол по вкус
бибер во зрно по вкус
Подготовка:
Пиперките убаво се мијат и потоа се печат. Се печат рамномерно од двете страни. Внимавајте во печењето да не бидат изгорени. Откако ќе се испечат, оставете ги да изладат. Пиперките можете да ги излупите, но и да ги ставите во тегла нелупени односно со лушпа.
На стана, измешајте вински оцет со масло, сол и ситно сечкан лук. Во садот натопете ја секоја пиперка, па наредете ја во тегли.
Пиперките не треба да ги притискате кога ги ставате во тегла. Внимавајте, теглата да биле два прста празна.
Истурете ја мешавината од оцет, масло, сол и сино сецкан лук во која ги потопувавте пиперките. Лукот во подготовката на овој рецепт е клучен додаток кој не смее да се исклучи.
По желба можете да додадете и свеж магдонос, кој ќе ја збогати аромата.
Затворете ги теглите со целофан оставете ги на ладно место.
