Слаткаристика одржа концерт за паметење на Илинден во Охрид на полниот стадионот „Билјанини извори“. Слаткар дожибувањето го надополни со вклучување на синот и сопругата пред многубројната публика.
„Овој човек го сакам најмногу на светот“, рече Слаткаристика кога на сцената го повика шестгодишниот син Моша, со кого заедно ја испеаја „Насмевка“, песната што раперот му ја посвети пред три години за неговиот роденден.
View this post on Instagram
Потоа Слаткар додека ја пееше песната „Кажи да“ со која ја запроси сопругата Сања Николиќ пред неполни 13 години, отиде зад сцената каде што беше Сања и ја бакна. Сања видно пријатно изненадена го прифати бакнежот среќна и со насолзени очи.
Притоа на видеобим се покажаа нивните заеднички слики од свадбата и од други моменти кои се доказ за нивната долгогодишна љубов.
Калиопи, Тони Зен, „Некст Тајм“, Пајак, „Дупер“, Тајзи, Зи Бомб, Цоби, Криско, диџеј Че, Ана Стојаноска и Тина Русева беа дел од гостите на спектакуларниот концерт кој го организираше „Прагма“.
View this post on Instagram
