Жика Јакшиќ откри дека неодамна бил на операција, по која конечно го решил долгогодишниот проблем со видот.
Водителот и автор на емисијата „Никад није касно“ сподели дека долго време сакал да направи ваква интервенција и сега, како што вели, гледа „како бебе“. Тој пред неколку дена бил опериран во Загреб, каде решил засекогаш да се збогува со очилата што ги носел со години.
– Морам да ви кажам дека направив операција, дали забележувате дека не носам очила? Читам и од блиску и далеку, тоа го направив пред три дена. Бев во Загреб и се оперирав. Докторот ми стави нови очи (се смее), сè траеше десет минути. Сега гледам како бебе и на блиску и на далеку – изјави Јакшиќ.
Тој додаде дека претходно имал диоптрија +2,75 и повеќе од 15 години морал да носи очила, што му претставувало голема непријатност.
– Ме фрустрираше тоа постојано – земи телефон, стави очила, сакаш нешто да прочиташ, пак очила. Не можев ни регистарски таблички да видам од пет метри – истакна тој.
Во разговорот се вклучи и Гоца Тржан, која со хумор додаде:
– И јас првпат „прогледав“ кога се разведов, само што тоа ме чинеше малку повеќе пари – рече таа низ смеа.
