36-годишниот шпански фудбалер Жерар Пике се пресели со својата нова девојка, 24-годишната манекенка Клара Чиа Марти во куќата во која живееше со поранешната партнерка Шакира, пишува Дејли Мејл.
Поранешниот пар – Жерар Пике и Шакира – го потврдија крајот на нивната 11-годишна врска минатиот јуни, набргу откако поранешниот фудбалер на Барселона и Шпанија беше обвинет за изневерување на 46-годишната колумбиска пејачка.
Жерар очигледно потврди дека неговата нова врска е навистина сериозна бидејќи тој сега живее заедно со Клара во истата куќа во Барселона во која живееше Шакира кога првпат пристигна во Шпанија. Изворите велат дека парот ќе го напушти станот на Пике во центарот на Барселона и ќе се пресели во замок што е блиску до плажата.
Шакира и Пике беа заедно од 2011 година. Тие се запознале додека го снимале спотот за нејзината песна на Светскиот куп Waka Waka една година претходно. Во есента 2012 година, Шакира им кажа на фановите на социјалните мрежи дека е бремена со син на фудбалската ѕвезда. Само две години по раѓањето на Милан, уметницата зборуваше за нова бременост. Саша е роден во 2015 година.
