Мегаѕвездата Здравко Чолиќ си купил луксузен стан во Пула, во една од зградите што е се уште во изградба – како дел од атрактивен и скап проект лоциран меѓу пристаништето и Пјешчана Увала (населба во Медулин).
Станува збор за еден од најголемите и најскапите станбени проекти во Пула во последнава деценија.
Предвидено е да се изградат околу 150 станови распоредени во пет згради, а проектот е се уште во почетна фаза.
Цената на становите во овие згради е околу 5.500 евра за метар квадратен, а имајќи предвид дека во понудата има и големи апартмани, од над 100 метри квадратни и со големи тераси од кои погледот ќе се протега далеку кон морето и околината, според хрватските медиуми, Чола најверојатно платил за станот над половина милион евра.
Инаку, пред околу еден месец, Чолиќ повторно имаше концерт во Арената во Пула, а се верува дека токму тогаш го купил овој имот.
