Веста директно ја соопшти бендот на социјалните мрежи преку порака на црна позадина: „Шокирани сме и обземени од тага за прераната смрт на нашиот драг пријател“.
Ендрју Флечер, легендарен клавијатурист на Depeche Mode, почина на 61-годишна возраст. Веста, на социјалните мрежи, ја соопшти самиот бенд. „Шокирани сме и преплавени со тага поради прераната смрт на нашиот драг пријател, член на семејството и колега од бендот Енди Флеч Флечер – гласи пораката -. Флеч навистина имаше златно срце и секогаш беше тука кога имавте потребна од поддршка, жив разговор, добра смеа, или ладно пиво. Нашите срца се со неговото семејство. Ве молиме да го сочувате во вашите мисли и да ја почитувате семејната приватност во овој тежок период“.
Роден во Нотингем на 8 јули 1961 година, Флечер се преселил со своето семејство во Басилдон на двегодишна возраст. Тој го основа Depeche Mode заедно со клавијатуристот Винс Кларк (на почетокот лидер и ум на групата) свирејќи на бас, но набрзо се префрли на клавијатури и синтисајзери, никогаш целосно не го напушта првиот инструмент.
Набргу по основањето на Депеш Мод, Мартин Гор и Дејв Гахан, сегашни членови на бендот, се приклучуваат на бендот. Од албумот „Speak and Spell“ (1981), Ендрју често се занимаваше со менаџерскиот дел на бендот и беше познат како „лепак“ на Depeche Mode, одржувајќи ги членовите „залепени“ заедно и покрај мрачните периоди низ кои бендот помина во годините на успех на „Violator“ (1990) и „Songs of Faith and Devotion“ (1993) кога пејачот Дејв Гахан се обиде да се самоубие поради злоупотреба на дрога, а Алан Вајлдер, друг член на бендот, ја напушта групата поради тензиите со Гор и Флечер.
Со текот на годините Флечер имаше и соло кариера како диџеј. Во брак беше со девојката на целиот негов живот, Граин Мулан, а зад себе остава две деца, Меган и Џо. Во 2020 година, Флечер беше примен во Рокенрол Куќата на славните.
— Depeche Mode (@depechemode) May 26, 2022
