Лила Филиповска објави уште една интересна приказна од Америка, каде што неодамна беше на гости кај својот пријател, водителот Дамјан Дренковски и неговата сопруга Александра.
Лила овојпат му го честиташе роденденот со нивна заедничка фотографија од прошетките низ Њујорк, а потоа сподели и заедничка слика со Дамјан и со неговата сопруга, придружена со песната на Дино Мерлин „Заувјек овако“.
Дренковски, кој сега со сопругата Александра живее во Њујорк, вели дека можноста да се биде во иста просторија со оскаровката Вупи Голдберг, која е една од петте водителки на шоуто на „Еј-би-си“, е од огромно значење за него. Тој успеа да направи интервју со Џенифер Лопез, кое беше емитувано пред Божиќ на американската радиодифузна компанија „Еј-би-си“.
Лила во текот на патувањето во Америка сподели и нов момент од своето патување – средба со холивудскиот актер Ејдриен Броди.
Филиповска објави дека присуствувала на театарска претстава на Бродвеј, во која Броди настапува во „Стравот од 13“ (The Fear of 13), остварување што го опиша како исклучително емотивно и интензивно. По завршувањето на претставата, таа имала можност и лично да се запознае со актерот и накратко да поразговара со него.
