Пејачката и мајка на Луна Ѓогани, Анабела Атијас, низ животот имала многу подеми и падови. Но, во едно поново гостување во емисија, таа првпат ја открила најстрашната ситуација која ја доживеала – момент кога, како што вели, замалку била жртва на силување, нешто за што никогаш претходно не проговорила јавно.
„Ова првпат го раскажувам. За малку ќе бев силувана. Едвај спасив жива глава, траеше цел ден. Бев затворена… дојдов таму по препорака, на деловен состанок. Не ме допре, но сè одеше во таа насока. Седна на работната маса во канцеларијата, почна да пие жесток алкохол, и почувствував дека е многу пијан – веројатно му требаше храброст. Мислам дека во неговата глава моето доаѓање значело дека јас ‘давам дозвола’“, раскажала Анабела.
Таа додала дека успеала да се извлече само затоа што непрестано му зборувала за неговото дете, потсетувајќи го дека и таа е „нечија ќерка“.
„Тоа психичко малтретирање траеше долго. ‘Соблечи се, што чекаш?’, ‘Ќе се соблечеш сама или јас да те соблечам?’ – така ми зборуваше. Тој беше огромен, страшен… Гаги (мојот тогашен партнер, а подоцна сопруг) веднаш дозна за ова. Еднаш го сретнавме тој човек, добив напад на паника. Му реков на Гаги: ‘Те молам, не гледај таму, само да бегаме’. Наскоро после тоа слушнав дека тој човек бил убиен“, раскажала Анабела со солзи.
Анабела и Гаги, иако имале бурно минато, пред неколку години конечно ги „закопале воените секири“.
