Колку повеќе пати ќе се заразите со Ковид, толку е поголема веројатноста да носите долгорочни последици. Ова е вознемирувачки заклучок од новото истражување кое се заснова на податоци од УС Ветеранс администрејшен.
Тројца истражувачи Зијад Ал-Али од Медицинскиот факултет на Универзитетот во Вашингтон, Бенџамин Боу и Јан Кси, двајцата од В.А. Сент Луис Хелт кеар систем, ги истражија медицинските досиеја на 5,7 милиони американски ветерани.
Околу 260.000 се заразиле со Ковид само еднаш, а 40.000 биле реинфицирани барем уште еднаш. Групата вклучувала 5,4 милиони луѓе кои никогаш немале ковид. Ал-Али, Боу и Кси ги следеле пациентите во период од шест месеци и дошле до изненадувачки заклучок:
„Во споредба со луѓето со првата инфекција, реинфекцијата придонесува за дополнителни ризици по здравјето“.
Секогаш кога се инфицирате со коронавирус се зголемува ризикот од кардиоваскуларни нарушувања, се зголемуваат проблемите со коагулацијата на крвта, дијабетес, замор, гастроинтестинални и бубрежни нарушувања, проблеми со менталното здравје, мускулно-скелетни и невролошки нарушувања, односно сите оштетувања се зголемуваат со реинфекција, иако антителата треба да го бранат нашето тело.
„Реинфекцијата додава нетривијални ризици“, предупредија истражувачите. Проблем кој ризикува да расте со оглед на тоа што мутацијата на вирусот води до голем број реинфекции: според тројцата истражувачи, половина милијарда луѓе ширум светот се заразиле со ковид повеќе од еднаш.
