Популарната водителка Душица Јаковљевиќ ја изненади јавноста откако итно се огласи на својот инстаграм-профил на само еден ден пред големото суперфинале на реалното шоу „Задруга 9 Елита“. Таа откри дека поради преголем замор и исцрпеност е принудена да направи кратка пауза за викендот за да ги „наполни батериите“.
Водителката искрено призна дека нејзината желба била да се дружи со гледачите дури седум ноќи по ред, но дека нејзиниот организам се побунил и покрај огромната волја и енергија што несебично ги дава во секоја емисија.
„Драги мои, и покрај најголемата желба и огромната енергија што несебично ја давам во секоја емисија, за викендов душата мора да ги наполни батериите. Мојата желба беше да се дружиме дури седум ноќи во континуитет. Срцето, мозокот и душата сакаа, но организмот се побуни. Се опоравувам за суперфиналето во понеделник и за ’грмотевиците‘ што ќе ги приредиме во нашата совршена симбиоза“, напиша Душица Јаковљевиќ.
Здравствените проблеми од минатото
Инаку, Душица неодамна отворено зборуваше за своите здравствени и естетски проблеми, откривајќи дека имала дури шест интервенции на синусите со радиобранови. Патем, таа се соочува и со шест различни алергии и генетска девијација на носот. Водителката призна дека по еден од зафатите за намалување на носот, предниот дел се свиткал на едната страна додека зараснувал, поради што во иднина ја очекува уште една корекција за да се исправи сè.
