Познатата пејачка Тања Савиќ јавно призна дека долго време водела битка со вишокот килограми, особено во пределот на стомакот. Сепак, со драстична промена во исхраната, таа успеала да постигне резултати со кои и денес е презадоволна.
Тања откри дека клучот за нејзината витка линија е во промената на менито и намалувањето на порциите:
„Прво почнав со детоксикација и требаше да пијам само цедени сокови од овошје и зеленчук, но не можев да издржам без да каснам ништо. Затоа ги задржав цедените сокови за појадок, но одлучив покрај тоа да имам помали и полесни оброци. Јадев салати, пилешко, риба… Секако, сето тоа без леб“, искрена е пејачката.
Таа додава дека буквално ја преполовила количината на храна што ја внесувала, што брзо довело до видливи резултати. Како и повеќето жени, најмногу се дебелеела во стомакот, што исклучително ја нервирало, но сега гордо вели дека повеќе никаде нема вишок.
Проблемот со карантинот и големиот апетит пред настап
Пејачката не крие дека најмногу се здебелила за време на карантинот кога немала настапи и само седела дома. Вели дека ѝ пречело кога ќе се погледнела во огледало и ќе видела како „кипи“ од сите страни. Проблемот се решил кога почнала повторно да настапува, иако признава дека сè уште е голем гурман.
„Човек мора некогаш да си даде оддишка. Ми се случува да се прејадам баш пред настап, што не е многу паметно. ‘Очите ми се гладни’, па ќе претерам и после едвај пеам“, вели Тања.
