Водителката Цеца Тодосовска од ТВ Телма е весел и позитивен лик, но овојпат имаше за што многу да се налути и тоа го покажа на социјалните мрежи. Таа е инаку спортски тип и оди на работа со својот велосипед.
Цеце објави слика од ѓубрето на скопските тротоари кое со недели не е собрано, и напиша: Буквално нема каде да се помине! И претходно, таа објавуваше слични фотографии, како и други граѓани на Скопје.
Цеце е мајка на два сина и седум години е во брак со Столе за кој рече дека ѝ е најголемата поддршка, а целото семејство заедно ужива во прошетките и возењето велосипед во природа.
-Едно време сама си го поставував прашањето како ќе се снајдам низ животов со тројца мажи… си велев „или ќе ме чуваат или ќе ме полудат“. Понекогаш и таткото се однесува како трето дете, но, ете, се излегува на крај со сè.
Сега-засега супер ни е на сите, посакувам да е така секогаш! Во однос на мајчинството, не мислам дека сум престрога, но сметам дека граници мора да постојат, а тие ги одредуваат родителите“, изјави таа неодамна за „Слободен печат“.
