Инсајдер проговори за врската на Бред Пит со децата во позадината на неговиот конфликт со Анџелина Џоли.
Бред Пит се обидува да поминува што повеќе време со своите деца и покрај конфликтот со поранешната сопруга Анџелина Џоли, објавеи Us Weekly повикувајќи се на инсајдери.
Минатиот месец актерот одлета во Италија за да им честита роденден на близнаците Вивиен и Нокс, кои имаат 14 години.
„Тој се стреми да ги гледа децата што е можно почесто, каде и да се. Тој замина во Италија за роденденот на близнаците и тоа многу им значеше“, вели изворот и додава „Бред инсистира на секој слободен момент поминат со децата. Тој ужива да биде родител и се обиде да извлече максимум од оваа тешка ситуација со оглед на тоа колку е тежок неговиот однос со Анџелина“.
Неодамна Пит ја пофали својата ќерка Шајло која напредува во танцувањето, а ѝ честиташе на својата ќерка Захара за влезот на факултет.
„Ми се допаѓа кога го наоѓаат својот пат, го наоѓаат она што ги интересира и напредуваат“, се изјасни тогаш Пит.
Анџелина Џоли и Бред Пит се разведоа во 2016 година. Тие се уште се борат за старателството над нивните деца: 17-годишната Захара, 16-годишната Шајло и 14-годишните близнаци Нокс и Вивиен. Покрај тоа, Џоли и Пит имаат и возрасни синови: 20-годишниот Медокс и 18-годишниот Пакс.
Според упатените, Пит верува дека Џоли не сака со него да го дели старателството над наследниците и намерно „игра на картата на времето“, чекајќи децата да наполнат 18 години.
Претходно, Анџелина Џоли го „победи“ Бред Пит во судски спор за нивната заедничка француска винарија наречена Шато Миравал: Пит ја обвини Џоли дека продала дел од нивниот вински бизнис на рускиот бизнисмен Јури Шефлер, чија компанија исто така се занимава со производство на алкохолни пијалоци, и ја тужеше актерката да го откаже договорот. Судот во Лос Анџелес сепак пресуди во корист на Џоли.
Анџелина Џоли е старателка на 6-те деца, во какви односи се тие со татко им, Бред Пит?
