Хрватската пејачка Северина, повторно ја покажа својата емотивна страна и трогна илјадници свои следбеници.
На својот инстаграм-профил, таа сподели исклучително трогателен момент од неодамнешниот концерт во Загрепската арена, посветен на најважната жена во нејзиниот живот – нејзината мајка Ана.
Во краткото видео снимено од некој од публиката, мајката на Северина е во преден план, гледајќи го настапот на својата ќерка со гордост и солзи во очите, додека таа ја пее песната „Далматинка“. Додека публиката ги пее стиховите на Северина, нејзината мајка доживува лавина од емоции, а блиска личност ја теши со нежна прегратка.
Заедно со видеото, пејачката напиша едноставна, но моќна порака: „[ДО МОЈАТА МАЈКА] Јас бев твоето мало девојче… и секогаш сум“.
Обожавателите не останаа рамнодушни на оваа трогателна сцена. Коментари полни со љубов и поддршка се редеа под објавата.
