Нетфликс го објави првиот тизер за претстојната минисерија „Griseld“, во која главната улога ја толкува Софија Вергара.
Вергара е речиси непрепознатлива во улогата на Гризелда Бланко, колумбиска шверцерка на дрога која многумина ја нарекоа „Кралица на кокаинот“.
Бланко била позната по трговијата со кокаин во областа на Њујорк и Мајами, а оние кои имале можност да соработуваат со неа тврдат дека била поладна и понемилосрдна од Пабло Ескобар. Серијата ќе го прикаже нејзиниот живот и издигнување во светот на криминалното подземје.
Заедно со писателот на сериите и извршен продуцент Ерик Њуман, кој исто така е извршен продуцент на пет сезони на „Narcos“, како и претстојната трета сезона на „Narcos: Mexico“, Вергара исто така ќе биде извршен продуцент на новата серија.
Иако проектот обединува некои други членови на креативниот тим кои работеа на серијата „Narcos“, Нетфликс нагласува дека новата серија не е „спин-оф“ на популарната драма за нарко-картелите.
И покрај нејзините блиски врски со Пабло Ескобар и картелот Меделин, Бланко никогаш не била истакнат лик во Наркос. Жената наркобос, позната и како црната вдовица, „Ла Мадрина“ и кралицата на кокаинот, беше една од најмоќните шверцери на кокаин во 1980-тите и клучна фигура во војните за дрога во Мајами.
Нејзината приказна претходно беше раскажана во филмот „Cocaine Godmother“ од 2017 година, каде нејзиниот лик го толкуваше Кетрин Зета Џонс, додека Џенифер Лопез глуми во „Кумата“.
„Немилосрдните, но генијални тактики на Гризелда Бланко и дозволија да владее со империја вредна милијарди долари многу години пред најозлогласените машки кралеви за кои толку многу знаеме“, вели Вергара.
Њуман рече дека Гризелда Бланко долго време е „страствен“ проект за Софија.
„Благодарни сме што таа и нејзините партнери во Latin World Entertainment не избраа нас да и помогнеме да ја раскаже таа приказна. Софија е брилијантен талент и нејзината страст во комбинација со фантастична приказна значи дека имаме многу возбудлива серија за споделување со публиката“, рече Њуман.
Серијата ќе има премиера на Нетфликс на 25 јануари 2025 година.
