За само 24 часа дојде до напад и одбрана. Шакира нападна, Пике, како добар дефанзивец, одговори. Колумбиската пејачка, изневерена од поранешниот дефанзивец на Барселона, кој е во врска со младата Клара Марти, посвети цела песна за да го оцрни бившиот, а воедно ѝ да ја „погоди“ новата негова партнерка.
Фразата во новата песна на Шакира која најмногу предизвика дискусија гласи: „Го замени Ферари со Твинго и Ролекс со Касио“.
Пике избра иронија за да одговори. Тој го направи тоа за време на пренос во живо на Твич. Зборувајќи за новиот спортски проект, Пике гордо објави: „Касио е новиот спонзор на турнирот. Овој часовник е за цел живот“.
