Сообраќајната несреќа од која беше дел и познатиот рокер Ѓорѓе Давид, член на жирито на Ѕвездите на Гранд, и понатаму останува актуелна за регионот, особено што Давид се уште не ја напуштил Македонија, иако во петокот најави прес конференција за српските медиуми предвидена да се случи во Р Спрбија.
Сега музичарот се огласи на својот Инстаграм профил, потврдувајќи дека се уште е во Македонија, но нагласи дека проблем му создаваат вестите што се појавуваат, а кои не се релевантни.
„Имајте малку емпатија и разбирање за ситуацијата во која се наоѓам, не објавувајте наслови кои немаат врска со вистината. Не ги добив документите и не сум ја напуштил Македонија. Моите документи се во ОЈО Куманово. Секој наслов ми прави проблем и предизвикува омраза кај луѓето во ОЈО кон мене затоа што мислат дека јас ги давам тие информации. Кога ќе ги земам документите и ќе ја поминам границата, прв ќе соопштам“, рече Ѓорѓе Давид преку видео порака.
View this post on Instagram
