Неуништливите Стоунси – Мик Џегер, Кит Ричардс и Рони Вуд во живо преку каналот Јутјуб преку разговор со американскиот комичар и ТВ водител Џими Фалон го пртставија нивниот долгоочекуван албум, прв со авторски материјал од 2015 година и прв во кариерата без покојниот тапанар Чарли Вотс.
View this post on Instagram
Албумот наречен „Hackney Diamonds“ ќе излезе на 20 октомври, содржи 12 песни, а инаку снимиле вкупно 23, како што изјави Џегер. Снимен е на многу локации, во Лос Анџелес, во лондонското студио Метрополис, на Бахамите, каде што го снимија својот албум „Emotional Rescue“ одамна, во 1979 година, но и во легендарните њујоршки студија Electric Lady и Hit Factory.
Меѓу другите досега непознати информации открија дека на една песна „Sweet Sounds of Heaven“ пее Лејди Гага, а песната „Tell Me straight“ – Кит Ричардс.
По презентацијата, конечно може да слушнете како звучат Мик Џегер и Кит Ричардс на 80 годишна возраст. Многу, многу моќно.
Официјалното видео на песната за 15 часа собра 4 милиони прегледи, а фановите се воодушевени.
„Не можам да поверувам дека овие момци имаат 80 години и сè уште напорно се занимаваат со музика, и продуцираат хит песни и албуми! Навистина легендарни и неверојатни!“, гласи еден од бројните коментари оставени под видеото.
