Естрадната сцена продолжува да се простува од братот на Дарко Лазиќ, Драган Лазиќ, кого многумина од музичката сцена добро го познавале бидејќи и самиот се занимавал со музика.
Во куќата на пејачот во селото Брестач синоќа пристигнаа Слоба Радановиќ и неговата сопруга Јелена Радановиќ, со цел да му дадат поддршка на пејачот и на неговото семејство во овие исклучително тешки моменти, откако неговиот брат Драган трагично загина во сообраќајна несреќа.
Меѓу присутните синоќа биле и Ана Севиќ, Надица Адемов, Саша Капор, како и Дејан Костиќ и Зорана Миќановиќ. Поддршка на семејството им изразиле и Александра Пријовиќ, Емир Хабибовиќ и Слаѓа Трајковиќ, сопруга на пејачот Радишa Трајковиќ Ѓани.
Порака со сочувство испрати и Тамара Милутиновиќ, која се огласи на социјалните мрежи. Таа сподели видео од последното гостување на Драган Лазиќ во една телевизиска емисија и напиша:
„Искрено сочувство до семејството Лазиќ. Нека ви даде Господ сила да ја издржите оваа бол која е неутешна“, напиша Милутиновиќ, додавајќи емотикон со скршено срце и бели птици.
Да потсетиме, Драган Лазиќ загина вчера, на 11 март, на патот кон Шабац, кога со мотоцикл удрил во автомобил кој свртувал кон спореден пат. Трагедијата длабоко го потресе семејството, а неговата мајка Бранка, скршена од болка, побарала да го види својот син.
