Актерката Шерон Стоун сподели тажна вест на „Инстаграм“ дека почина нејзиниот едногодишен внук Ривер Вилијам Стоун.
Таа објави неколку снимки на малото момче со опис: „8 септември 2020 година – 30 август 2021 година“.
Бројни следбеници на актерката одговорија во коментарите и изразија сочувство.
„Ова ми го крши срцето”, „Плачам, многу ми е жал, Шерон. Беше прекрасно момче. Испраќам љубов на вашето семејство”, напишаа следбениците.
View this post on Instagram
Пред неколку денови, актерката напиша дека нејзиниот внук завршил во кома откако му откажале органите. Фотографијата што ја објави покажува момчето како лежи на болнички кревет интубирано и опкружено со жици.
Момчето е син на братот на Шерон, Патрик и неговата сопруга Таша.
