Ава Карабатиќ ги објави медицинската и правната документација во кои се забележани нејзините повреди по инцидентот што го пријавила во полиција.
Во доставената документација се наоѓаат извештаи од прегледите во Ургентниот центар во Белград, како и податоци од постапката пред надлежните органи.
Според неврохируршкиот наод од 10 август 2026 година, Ава им кажала на лекарите дека била повредена во насилство од страна на нејзиниот партнер. Во извештајот е наведена дијагнозата S00.7 – повеќекратни површински повреди на главата.
Лекарите констатирале хематом во пределот на левото око, нагмечување во челниот и левиот јаболчен предел, како и нагмечување на долната усна. Во моментот на прегледот таа била свесна, комуникативна и ориентирана.
Направена ѝ е и компјутерска томографија (КТ) на мозокот, при што не биле утврдени знаци на внатрешни повреди ниту фрактури на коските на черепот.
Документацијата бележи и повреда на левото колено. Во ортопедскиот наод е наведено нагмечување на коленото со благ оток и чувствителност, додека рендгенската снимка била уредна.
Ава била прегледана и за можни повреди на градниот кош и стомакот. Ехото на стомакот и рендгенот на градниот кош не покажале повреди на внатрешните органи ниту скршеници. Во извештајот од општа хирургија е наведено дека била под опсервација, но во тој момент немало индикации за итна хируршка интервенција.
Покрај медицинската документација, објавен е и документот од нејзината пријава во полиција. Според службената белешка, таа во полициската станица Раковица пријавила повеќегодишно психичко и физичко насилство, наведувајќи дека се плаши за сопствената безбедност од страна на нејзиниот партнер.
