Објавен е трејлерот од ТВ серијата која раскажува за скандалот со секс снимката на Памела Андерсон и Томи Ли (тапанарот на Motley Crue), која во 90-тите го окупираше вниманието на медиумите.
Телевизиската серија „Pam & Tommy“ ќе биде емитувана следната година, во февруари, на американската платформа Hulu.
Сценариото напишано од Робер Сигел, ја следи бурната и скандалозна љубовна приказна меѓу поранешната чуварка на плажата, односно спасувачка, од Baywatch, Памела Андресон и тапанарот на групата Motley Crue, Томи Ли, со особен фокус на секс скандалот и последиците што следеа по кражбата на познатиот „жежок“ VHS, продадено и најпосле – објавено на Интернет порно портал.
Сценариото го вклучува и апсењето на Томи Ли, под обвинение за семејно насилство, кое ќе го одведе тапанарот во затвор, и по него – разводот меѓу двете ѕвезди во 1998 година.
Во трејлерот можете да го видите и моментот во кој спорната видео снимка е украдена од домот на сопружниците од страна на електричар, со намера да ја продаде, обелодени и секако, да заработи од тоа.
Во „Pam & Tommy“ Памела Андерсон ја глуми Лили Џејмс, додека Томи Ли е одглумен од Себастијан Стен.
