Илон Маск ги објави плановите за вградување на првиот неврочип кај човек за шест месеци.
Илон Маск на настан на неговиот стартап Neuralink рече дека неговиот тим е подготвен да тестира мозочен имплант на луѓе за шест месеци.
Чипот ќе ви овозможи да пишувате на компјутер и телефон со моќ на мислата, без да ги користите рацете.
На презентацијата Маск покажа како чипиран мајмун управува со компјутер со моќта на мислата.
„Сметаме дека можеби за околу шест месеци ќе можеме да го вградиме првиот чип кај човек“, рече Маск.
Тој вети дека компанијата ќе постапува внимателно. Според него, потребните мерки на претпазливост веќе биле преземени при претходни слични студии, кога чиповите биле вградени кај животни.
„Сакаме да бидеме крајно внимателни и уверени дека уредот ќе работи добро пред да го имплантираме во човек “, рече сопственикот на компанијата.
Маск истакна дека компанијата веќе поднела поголем дел од потребните документи за да добие дозвола.
„Тековните дискусии со американската Администрација за храна и лекови поминаа доволно добро за компанијата да постави цел да ги спроведе своите први испитувања на луѓе во следните шест месеци“, дообјасни портпаролот на Neuralink.
За што е способен новиот чип?
Шефот на Neuralink прикажа видео на кое мајмун со вграден чип во мозокот врши „телепатски дејства“. Мајмунот на тастатурата напиша „може ли да добијам почести?“ додека го контролира курсорот со својот мозок.
„Таа го движи курсорот со умот. Но, всушност таа [мајмунот] не знае да пишува. Не го потценувајте овој уред“, рече Маск.
Според него, овие чипови се толку мали што тешко се откријат.
„Чисто хипотетички, би можел да ви вградам уред Neuralink во моментов, а вие не би ни знаеле“, се пошегувал Маск.
Вицепремиерот за импланти на Neuralink, DJ Seo, рече дека чипот ќе биде безжичен и ќе може да се полни, пишува CNN. Според него, во Остин, Тексас веќе започнале со производство и почнале да градат тест клиника каде ќе се користи роботски хирург. На настанот беа претставени и прототипови на роботи.
