Том Сајзмор, американски актер познат по улогите во филмовите „Спасување на војникот Рајан“ и „Црниот јастреб“, почина на 61-годишна возраст, објави неговиот менаџер.
Да потсетиме, Сајзмор падна во својот дом во Лос Анџелес на 18 февруари, а лекарите констатираа дека имал мозочен удар.
Сајзмор стана глобално познат во 1990-тите, по серија улоги на „тврдо момче“, обично војници, полицајци или криминалци.
Сајмор глумеше и во филмовите „Natural Born Killers“, „Перл Харбор“ и „Жештина“, во кои ги играше детективот Џек Скагнети, односно наредникот Ерл Сестерн, а во „Жештина“ – Мајкл Шерит.
Во филмот “Saving Private Ryan” ќе остане запаметен по улога на наредник од прва класа, Мајкл Хорват.
Освен по славните улоги, на светот му беше познат и по проблемите со нароктиците, а беше во затвор поради семејно насилство.
Тој, исто така, беше предмет на две тужби за сексуално вознемирување на работното место, поврзани со шоуто на CBS од 2002 година „Разбојништво и убиство“.
Тој во мемоарите од 2013 година напиша дека успехот го претворил во „разгалена филмска ѕвезда“, „арогантна будала“ и „зависник од надежта за умирање“.
„Водев интересен живот, но не можам да ви кажам што би дал за да бидам момче за кое ништо не знаете“, напиша Сајзмор.
