Познатиот српски модел, дизајнер и водител Бошко Јаковљеиќ има свое шоу на белградската телевизија „К1“ наречено „Спика и прилика“, а во една од поновите емисии заедно со црногорскиот пејач Бојан Маровиќ, му гостуваше нашата Каролина Гочева.
Каролина таму искрено раскажа за својата љубовна приказна со уметникот Михаил Корубин, со кого е во брак од 2017. Каролина беше доста искрена и духовите во одговорите. Едно од прашањата на Јаковљевиќ беше дали ѝ пречи што сопругот е помлад од неа
-Во Холивуд се сите со помлади мажи. Тоа е тој светски тренд, а јас сакам да ги следам трендовите. Не, се шегувам. Едноставно, ќе се споиш со некоја личност, особено како возрасни луѓе. А, ние веќе бевме во триесеттите кога се запознавме.
Така што јас никогаш не почувствував дека меѓу нас е било каква разлика во години. Од првиот ден баш некако се спиовме. И еве, до ден-денес можам да кажам дека не сум ја почувствувала таа разлика во години.
Така што ми е драго дека ја донесов таа одлука во триесеттите, дека нема да ме фаќа паника и дека ќе влезам во брак тогаш кога навистина ќе почувствувам дека сакам да го поминам својотживот со некоја личност“, рече Каролина со насмевка.
Потоа, ја прашаа дали мајката на нејзиниот сопруг Лиле Корубин, која е угледна модна дизајнерка ѝ го дизајнирала венчалниот фустан, а таа одговори: „Не, веќе не се занимаваше со мода во тој период.“. Видеото можете да го погледнете ТУКА.
