Пејачката Сека Алексиќ пред неколку години јавно застана во одбрана на луѓето кои на летување одат со сопствена храна, не изнајмуваат лежалки и се обидуваат да заштедат дел од семејниот буџет.
Секоја летна сезона на социјалните мрежи повторно се отвора темата за таканаречените „туристи со домати“, а поединци ги исмеваат оние што носат храна од дома или престојуваат на плажа со сопствени пешкири наместо да плаќаат лежалки. По тој повод, Сека Алексиќ тогаш јавно го изнесе своето мислење.
@seka_aleksic Paradajz turisti. Tako ih nazivaju! Nista vam nije sveto! #sekaaleksic ♬ original sound – Seka Aleksić
„Луѓе, дали е можно да читам коментари во кои некои им се смеат на оние што отишле на море и си понеле своја храна, немаат лежалки и лежат на пешкири, а се на одмор со своите деца. Зарем е можно тоа некому да му биде повод за потсмев? Никој ли не помисли дека некои семејства не можат да си дозволат хотели со пет или петнаесет ѕвезди и дека едвај врзуваат крај со крај, а сепак сакаат да им овозможат на своите деца да го видат морето? Јас, на пример, како дете не го видов морето. Првпат го видов дури кога имав повеќе од дваесет години, кога сама заработив пари и можев да си го дозволам тоа“, напиша пејачката.
Таа испрати и јасна порака до оние што ги исмеваат ваквите туристи.
„Како не ви е срам да им се потсмевате на луѓето што отишле на море, седат на пешкир, на песок и сами си подготвуваат храна. Срам да ви е.“
На крајот, Алексиќ порача дека не е важно како некој го организира својот одмор, туку дека успеал да си дозволи време за одмор.
„Без разлика дали носите свој пешкир или не, дали имате своја храна или ја нарачувате, најважно е што сте отишле на одмор – каде и да е тоа и како и да сте го организирале.“
