Поп-пејачот Давид Темелков во своето последно гостување отворено проговори за својот најголем животен страв.
На прашањето од естрадниот магазин „Бекстејџ“ со какви стравови се соочува и како гледа на падовите во кариерата, тој ја даде оваа искрена изјава:
„Генерално се трудам да немам некои стравови во животот. Не се плашам од неуспех, не се плашам од некои работи коишто се можеби позастапени во јавноста како стравови, како егзистенцијални стравови или слично. Но, она што е исконско кај секој човек, пак ќе се вратиме на семејството — губење на некој член од блиското семејство, тоа ми е можеби најголемиот страв којшто го имам во животот. А што се однесува до неуспехот, јас не го гледам како неуспех. Сметам дека патот до еден голем успех е преплетен со многу неуспеси во меѓувреме. Тие неуспеси се всушност лекции коишто нè учат како да стигнеме до целта и како да останеме таму каде што сме тргнале. Ако сè оди лесно, тогаш нема да знаеме да го цениме успехот кога ќе дојде“, изјави Темелков.
View this post on Instagram
