Џенифер Лопез и Бен Афлек минатиот викенд организираа тридневна венчавка за семејството и пријателите, а сега се појавуваат нови детали од гламурозната прослава.
Раскошната венчавка се одржа минатиот викенд на луксузниот имот на актерот во Џорџија, откако парот се венча тајно во Лас Вегас пред еден месец.
Пејачката за време на прославата го изненадила својот сопруг и му приредила специјално шоу.
Таа танцуваше и пееше само за него додека тој седеше на стол пред неа и ја гледаше со насмевка на лицето.
На Џенифер Лопез на подиумот ѝ се придружија танчери во црни костими, а според видеото може да се заклучи дека пејачката внимателно го подготвила целиот настап.
Пејачката во оваа прилика отпеа нова песна која му ја посвети на новопечениот сопруг, а во која зборува за што друго, освен за љубовта што ја чувствува кон него, како и за страста во неговите очи.
