Илјадници луѓе излегоа на улиците на Мадрид на протестен марш против инфлацијата и енергетската криза во земјата. Демонстрантите бараат зголемување на платите, пристојно пензионирање и квалитетна јавна услуга против социјално осиромашување, јавуваат тамошните медиуми.
На протестот беше упатен повик до властите да им помогнат на работниците.
Едуардо, член на синдикатот кој го обвини премиерот Педро Санчез дека не ги презема неопходните економски мерки, во изјава за медиумите вели дека сè станало многу скапо.
„Сè е двојно поскапо, од струја до намирници. Оваа ситуација не може да продолжи вака. Заслужуваме правична плата“.
Годишната инфлација во Шпанија достаса до 10,8 отсто во јули, што е највисоко ниво од 1984 година.
