Во историската вила Геренто, лоцирана во градот Лесмо, северно од Милано, 85-годишниот поранешен италијански премиер даде симболични брачни завети со 32-годишната Марта Фасино.
Во јавноста се појавија снимки и фотографии од прославата на љубовта на 32-годишната Марта Фасина и 85-годишниот Силвио Берлускони. Иако од тоа, особено поради белиот фустан кој личи на венчаницата и тортата што ја сечеа, можеше да се заклучи дека станува збор за венчавка, сепак не е така.
Парот се уште не е официјално венчан поради семеен спор околу наследството. Според италијанските медиуми, петте возрасни деца на Берлускони, наводно, се огорчени од идејата и намерата на нивниот татко да се ожени со атрактивната Марта, со што и таа би добила „дел од тортата“ од 5 милијарди фунти. Тоа е сумата која се шпекулира дека е во сопственост на поранешниот италијански премиер.
Токму поради тоа, парот се одлучил за симболична венчавка со која ја прославиле љубовта, но не ја озакониле врската во официјалната заедница.
Марта Фасина е последната партнерка на Берлускони откако тој ја прекина врската со Франческа Паскале во 2020 година, која, иако 34 години помлада од него, едноставно станала „престара“ за берлускони. Атрактивната Марта дипломирала книжевност на Универзитетот „Сапиенца“ во Рим, а на Инстаграм ја следат околу 16.000 луѓе.
View this post on Instagram
