Обезбедувањето за време на четиридневната турнеја на принцот Хари и Меган Маркл низ Колумбија го чинело буџетот на земјата значителна сума, пишува Дејли мејл.
Security for Harry and Meghan’s faux-royal tour cost poverty-stricken Colombia £1.5m, local reports claim as furious official slams vice president for ‘squandering’ public money https://t.co/9fn4Z5Sa5j pic.twitter.com/V65UrMf5EC
— Daily Mail Online (@MailOnline) August 20, 2024
Принцот Хари и Меган Маркл биле поканети од колумбискиот потпретседател Франсија Маркез. Колумбиските новинари велат дека безбедноста на помладиот син на британскиот крал Чарлс Трети, Хари, и неговата сопруга чинела околу два милиони долари.
Трошоците за безбедност изнесувале повеќе од 488.000 долари дневно. Тие вклучувале распоредување на 3.000 полицајци и војници, како и хеликоптери, кучиња трагачи, единици за отстранување бомби и чувари со полно работно време со штитови отпорни на куршуми во случај на снајперски напад.
Колумбискиот функционер Андрес Ескобар во интервју за Дејли мејл изјави: „Земјата плати речиси два милиони американски долари за безбедноста на ова патување, а има многу Колумбијци кои се гладни и немаат можност да си ги задоволат своите основни потреби… Во економска криза сме, а за посетата на Хари и Меган беа потрошени огромни пари кои се користеа за колумбиските воени авиони и хеликоптери, а овие пари можеше подобро да се потрошат… Во лоша состојба сме, а од друга страна се фрлаат пари“.
Посетата вклучувала и посети на градовите Картагена и Богота и кратка посета на селото Сан Базилио де Паленке, основано од ослободени африкански робови пред речиси 300 години. За време на турнејата, Меган и Хари разговараа за семејното насилство, сајбер-малтретирањето, менталното здравје во дигиталната ера и зајакнувањето на жените.
