Сопствениците често им даваат некои од овие производи на своите домаѓни миленичиња без да мислат дека тие се небезбедни.
Американската популарна ветеринарка Тифани Руиз-Дасилва од Вирџинија Бич, го сподели своето искуство за правилна исхрана на кучињата и наведе храна која негативно влијае на здравјето на домашните миленици. Таа зборуваше за ова на нејзината страница на Инстаграм.
Напоменува дека избегнувањето на сирови состојки, грижа за бактериите и броењето калории се некои од нејзините корисни совети.
„Постојат многу фактори кои влијаат на тоа со што луѓето ги хранат своите миленици, било да е тоа финансиски, религиозни или лични убедувања. Мојата работа е да се погрижам кучињата да се здрави и нивните сопственици да се добро информирани“, рече таа.
Ветеринарката нагласува дека никогаш нема да го храни своето куче со сирови (живи) јајца и сирово месо.
View this post on Instagram
„Ако некој сака да го храни своето милениче со сирова исхрана од која било причина, препорачувам тоа да биде комерцијално подготвена диета. Под ова мислам на рецепт препишан од ветеринарен нутриционист или доктор на науки кој гарантира дека е комплетен и избалансиран производ и дека е пастеризиран под висок притисок“, објасни ветеринарката.
Објаснувајќи ја исхраната на своето куче, Тифани нагласува дека сировите јајца се помалку сварливи од варените, па затоа нема никаква корист од нив.
„Постои голем ризик бидејќи сировите јајца често содржат штетни бактерии како салмонела и ешерихија, и можат да предизвикаат сериозни здравствени проблеми кај кучињата“, рече таа.
Дури и ако кучето не покажува знаци на инфекција, тоа може да биде носител и да ги пренесе бактериите на луѓето:
„Долготрајното хранење со сирови белки од јајца, исто така, може да доведе до недостаток на биотин, што предизвикува проблеми со кожата и влакното, летаргија и други здравствени проблеми“.
Руиз-Дасилва ги предупреди сопствениците да не ги хранат своите кучиња ни со сирови стапчиња, кои се рекламираат како богато протеинско задоволство.
„На прво место не препорачувам да ги храните кучињата со стапчиња, бидејќи околу една третина од нив се контаминирани со бактерии како што се Е.коли и салмонел, па може да дојде до потреба од итна операција.
Што се однесува до сировото месо, исто така е небезбедно за кучињата.
„Не препорачувам да се хранат кучињата со сирово месо бидејќи, врз основа на досегашните докази, нема јасна корист од него, но има многу ризици. Диетите базирани на сирово месо исто така се богати со маснотии. Исхраната богата со маснотии може да предизвика гастроинтестинални проблеми и да го зголеми ризикот од дебелина, а дебелината носи други здравствени проблеми“, вели Тифани.
View this post on Instagram
Ветеринарката додаде дека сировото месо е преполно со бактерии кои можат да доведат до инфекција.
„Иако замрзнувањето и сушењето на месото може да ги намали бактериите, тие не ги елиминираат сите патогени. Овие патогени ќе продолжат да се исфрлаат преку изметот дури и ако кучето што консумира сирово месо не покажува знаци на болест. Ова може да влијае на млади, бремени, постари или луѓе со ослабен имунолошки систем, а исто така ја зголемуваат изложеноста на резистентни бактерии, што може да предизвика отпорност на антибиотици“, рече експертката.
Тифани препорачува да вклучите повеќе свежа храна во исхраната на вашето домашно милениче.
