Јелена Карлеуша важи за најдобро облечена жена во Србија, а често е инспирација за познатите дами ширум светот. Со текот на годините, пејачката успеа да собере импресивна колекција на чанти.
Стајлинзите на пејачката се редовна вест во рубриките шоу-биз и стил, а денес тема е нејзината богата колекција чанти.
Секако, највпечатливи се оние со потписот на францускиот бренд „Хермес“, од кои ЈК поседува неколку, а секако најскапи се моделите „Биркин“ чија цена се движи меѓу 20 и 30 илјади евра, исто така и чантата „Кели“, за што Јелена искеширала слична сума.
Дека ѝ се допаѓа и „Шанел“, покажа и нејзиното појавување на гласањето во рамки на локалните избори во Белград, кога блесна со белата копија на споменатиот моден гигант, чија вредност во моментов се проценува на дури 12 илјади евра.
Освен „Шанел“ и „Хермес“, Јелена Карлеуша ги сака „Баленсијага“, „Долче и Габана“, „Версаче“, „Закма“ и многу други модни куќи, а можете да погледнете и дел од чантите кои ги поседува музичката сензација.
