Трагичната смрт на младата Лидија Димитрова-Линда, која почина откако ѝ беше вметнат хијалурон во градите, го шокираше општеството. Многу бугарски јавни личности ги споделија своите искуства со козметички процедури и предупредија дека е важно да се провери компетентноста на специјалистот.
На социјалните мрежи се појавија бројни негативни коментари и обвинувања против Линда, со пораки како:
„Сè тоа го заслужи“ и „Само да седеше мирно“.
Мис Бугарија Венцислава Тафкова застана во одбрана на девојката и порача дека никој не треба да биде осудуван затоа што сакал да изгледа подобро:
„Најмалку што можеме да направиме е да покажеме човечност, а не да покажуваме со прст“, пренесува „Хот арена“.
Таа исто така нагласи дека одговорноста, свеста и умереноста се клучни кога станува збор за медицински и естетски процедури:
„Убавината никогаш не треба да чини нечиј живот.“
Венцислава и други на социјалните мрежи додаваат:
„Не треба да осудуваме без да ја знаеме целата приказна. Козметичките процедури се личен избор и прашање на самодоверба. Тоа не значи дека мора да завршат трагично. Каде отиде човештвото?“
