Љубовната врска меѓу младиот музичар Јаков Јозиновиќ и пејачката Џејла Рамовиќ продолжува да привлекува внимание во регионот. Иако Џејла е четири години постара од својот избраник, парот не ја крие својата блискост, а Јаков неодамна јавно проговори за своите чувства кон неа.
Во интервју за „Екстра ФМ“, тој призна дека е голем обожавател на Џејла, но истовремено откри и дека би сакал еден ден да снимат заедничка песна.
„Ужасно ја сакам Џејла Рамовиќ и сè што работи. Навистина го ценам нејзиниот труд и многу би сакал да снимам дует со неа“, изјави Јозиновиќ.
Од своја страна, Џејла неодамна во емисијата „Амиџи шоу“ зборуваше за својот партнер и истакна дека секогаш застанува во негова одбрана.
„Јаков едноставно ја има таа харизма и нешто што им се допаѓа на луѓето. Со сите се расправам кога некој ќе почне лошо да зборува за него. Веднаш влегувам во расправија“, рече пејачката, додавајќи дека Јаков носи нешто ново на музичката сцена и дека публиката денес сака поголема блискост со изведувачите.
Пред врската со Јаков Јозиновиќ, Џејла Рамовиќ, според пишувањата на медиумите, беше во врска со Бојан Цветиќанин, пејачот на групата „Џокер Аут“.
Неодамна, во интервју за „Кликс“, таа ги коментираше тие наводи и објасни дека јавноста погрешно го перцепирала неговото учество во еден нејзин музички проект.
„Ајде тоа да го оставиме за некој друг пат. Малку ги измешаа работите. Само му го залепија епитетот дека глумел во спотот, а момчето го напиша сценариото и беше режисер. Сето тоа остана во сенка поради тие наслови. На крајот се сведе само на тоа дека е мојот дечко, а сè друго што беше важно се заборави“, изјави Џејла.
