Основачот на картелот Гвадалахара, подоцна наречен картел Синалоа, ќе се врати во затвор откако речиси девет години беше бегалец. Тој, Каро Кинтеро, со прекар Ел Нарко де Наркос, последната жива и до пред неколку дена слободна мексиканска нарко-легенда од осумдесеттите, никако не сакаше да се „пензионира“.
Рафаел Каро Кинтеро (70) е обвинет од САД дека наредил киднапирање, мачење и убиство на специјалниот агент Енрике „Кики“ Камарена на Администрацијата за борба против дрога (ДЕА) во 1985 година, а моментално управувал со огранокот на озлогласениот картел Синалоа. Апсењето било откриено од извор од американската морнарица, a се случило во Чивава, северозападно Мексико. Каро Кинтеро бил осуден во Мексико на 40 години затвор. Меѓутоа, во 2013 година, мексиканскиот суд наредил негово ослободување откако одлежал 28 години. Одлуката подоцна била поништена од Врховниот суд на Мексико, но Кинтеро веќе бил во бегство. За „главата“ на трговецот со дрога имаше распишано награда од 20 милиони долари, а опишан е како „исклучително опасен“. САД бараат екстрадиција на Кинтеро.
View this post on Instagram
Нарко бос од старата школа – најважно е да го паметат како легенда
Иако ФБИ и ДЕА ги објавија највисоките награди до сега за „главата“ на стариот нарко бос кој се крие од 2013 година, тие што требаа да знаат каде е, знаеа и не го предаваа. Кога нарко босовите од старата школа ќе пристигнат живи на возраст од 70-години, како Рафаел Каро Кинтеро, најважно им е да останат запаметени. Да ги почитуваат еден ден кога ќе ги нема, да живее легендата за нив. Никој во неговата земја не се сомневаше каде е неговото засолниште. Градовите во кои пораснал, правливите планини на Синалоа и пустината каде што живеел од мали нозе со своето семејство, северниот дел на Сонора… Мали места, тешко достапни, опкружен со своите луѓе. Во септември 2021 година, ФБИ испрати досие во кое алармираше дека кралот на дрогата кој се криел од 2013 година поради грешка во казната, по 28 години затвор, сè уште е закана за трговијата со дрога. Тој, Каро Кинтеро, последната жива и слободна мексиканска нарко-легенда од осумдесеттите никако не сакаше да се „пензионира“.
Враќањето во татковината е стратегија на мексиканските нарко шверцери со децении. Тоа му се случи и на Хоакин Ел Чапо Гузман, кој беше уапсен во куќа во Лос Мочис, во Синалоа, во 2016, како и на нарко дилерот од старата школа досега уапсен од картелот Синалоа, Исмаел „Ел Мајо“ Замбада. Кога Каро Кинтеро успеа да го натера судијата да го ослободи во 2013 година, пред да ги одлежи преостанатите 12 години затвор, првото нешто што го направил било враќањето во неговиот град. Ги реорганизираше своите луѓе, преговараше за дел од колачот и без ексцентричности, тивко продолжи со бизнисот. Но, за разлика од другите „босови“ на шверц на дрога кои сè уште не се уапсени, деновите на Каро Кинтеро секогаш беа поврзани со жедта на моќната ДЕА за одмазда. Зашто малкумина се осмелија да одат толку далеку, како основачите на картелот Гвадалахара, таткото на сите картели кои се родени подоцна, и да го убијат инфилтрираниот агент на ДЕА во 1985 година, Кики Камарена. И затоа, Агенцијата не можеше да прости што Каро Кинтеро успеа да го избегне ненаплатениот долг за злосторството што го одведе во затвор, а кое го прогонуваше ноќе и дење. Кога Камарена на 7 февруари истата година го напуштил американскиот конзулат во Гвадалахара, бил киднапиран и предаден на картелот Гвадалахара. На фарма што ѝ припаѓа на организацијата, американскиот полицаец постојано бил мачен додека лекар го одржувал во живот. Кога неговото тело било пронајдено, било откриено дека тој бил кастриран и жив закопан. Во 2013 година, по грешка во една реченица, Каро Кинтеро бил ослободен од затвор, и пред судијата да ја увиди грешката, нарко дилерот веќе бил скриен. Од своето дувло тој даде неколку интервјуа, а за весникот „Просеко“ изјави: „Веќе не сум опасност за општеството. Не сакам да знам ништо за трговијата со дрога. Ако направив нешто погрешно, веќе платив за тоа“, негирајќи го учеството во смртта на Камарена. Но, според жителите на градовите Синалоа и Сонора, Каро Кинтеро се вратил на единственото нешто за кое е „роден“- на трговијата со дрога.
View this post on Instagram
Имиџ на почитуван старец и добротвор
Локалните новинари кои повеќе од една деценија го следеа случајот, беа убедени дека Каро Кинтеро е таму, меѓу градовите во планините каде што пораснал, во заедницата Бабуника, во Бадирагуато, Синалоа. „Неодамна испративме неколку новинари во таа област, за прашање што немаше никаква врска со него. А луѓето на Каро Кинтеро ги опколија и ги вратија. Сите знаат дека господарот е таму. Тоа е неговото засолниште, неговата дупка“, објасни директорот на магазинот Еспејо, Алехандро Сикаирос. „Тој е лик, амблем на трговците со дрога. На него се гледа како на почитуван старец кој не сака конфликт. Тој е традиционален „капо“ од осумдесетите, го задржува лицето на добротвор на регионот, кој добро се однесува со луѓето и неговите послушници. Спротивно на она што се случува со другите многу крвави групи, како што се синовите на Ел Чапо“, додава Сикаирос. Сите се прашуваа како е можно, и покрај фактот дека неговата локација е јавна тајна, тој сè уште да не биде фатен. Но, Каро Кинтеро е еспски лик и поради начинот на водење на бизнисите. Кралевите од старата школа како него добро се адаптираа да работат без технологија и затоа не можат да бидат следени. Тој не давал наредби преку мобилен телефон, туку речиси сè се решавало лично преку претставници. И ако се најавела силна операција против него, тој заминувал во планините – комплицирани региони, каде нема начин да се стигне без испраќање хеликоптери. А бидејќи хеликоптерите мора да ги напуштаат воздухопловните бази на Синалоа, тој веќе е информиран. Покрај Бадирагуато, има уште едно место каде што соседите го лоцирале Каро Кинтеро пред ДЕА или ФБИ. Во општината Каборка (Сонора), опколена повеќе од една година од насилство меѓу локалните картели. И тоа не било чудно зашто оние кои се сеќаваат на осумдесеттите, го паметат доаѓањето на семејството на Каро Кинтеро во овој град во пустината Соноран. Кога ниту улиците не биле асфалтирани, една репортерка со повеќе од две децении работа во областа снимила фотографија што сè уште не ја заборавила: розова лимузина. „Каро донесе многу пари во градот, луѓето многу го ценат него и неговото семејство“, вели новинарката која не го открива името од безбедносни причини. Во Каборка, 100 пустински километри од границата со САД и со мала контрола од властите, Каро имал уште едно од неговите засолништа. Од мексиканското разузнавање минатата година „протече“ во локалниот печат информацијата дека Кинтеро работи во координација со картелот Хуарез и неговото вооружено крило, Ла Линеа, за враќање на областите на Сонора кои додека бил во затвор биле преземени од друг картел, Џенте Нуева, кој е поврзан со една од фракциите на моќниот картел на синовите на Ел Чапо, познат како Лос Чапитос. Војна помеѓу Лос Чапитос – наследници на криминалната империја на нивниот татко кои ја оспоруваа целосната контрола на организацијата со друг од основачите, Ел Мајо Замбада – и локалните банди кои го оживуваа името на Каро Кинтеро, ја држат северна Сонора под опсада. Но, додека тие лансираа терор во регионот поради нивните нови начини на заплашување на нивните ривали, „капо“-то од старата школа продолжуваше да мисли на честа и да го претставува златното доба на трговијата со дрога. „И тој и другите, како Ел Мајо, се посветуваат на грижата за луѓето, за да не ги заборават, за да не им се избрише историјата. Тие работат така што ако еден ден повеќе ги нема, луѓето ќе продолжат да ги евоцираат“, објаснува Сикаирос.
